الـ 80 مليون مصرى ويجوا فى ودنك إنت وياكلو دماغك .......
أول امبارح وكعادتى انى باستثمر الـ 15 دقيقة بتوع المترو وأنا رايح الكلية فـى إنى اقرأ أى كتـاب يمكن يفيدنى واتطور فى الزمن الاخبر ده أهو بحاول ابئا متحضر شوية ونشجع الاعلان
بتاع الشاب الوسيم اللى ماسك كتاب وياعينى ياحبيبى الضحكة مالية عينيه ومكتوب جمبه القراءة للحاضـر......
ماعلينا من غير ماأكتر عليكوا وندخل فى الموضوع علطول ومنخرجش عن موضوعنا لقيتلك واحد جمبى هو بصراحة مش جمبى اوى ده احنا بقينا جسم واحد من شدة الزحام بتاع الصبح
فى المترو ربنا مايوريكوا ... ويادوبك بافتح كتاب لاستاذنا الكبير الساخر (( يوسف المعاطى )) ولأجل حظى
اللذيذ كان المفروض انى ابدأ اقرأ مقال بعنوان (( اختلف مع العقــــــــاد )) وكان الاختلاف ان العقاد يقال انه عـدو
للمرأة ولكن بحنكة يوسف المعاطى بيتفق مع العقاد مش بيختلف معاه ولكن بيتفق بأسلوب آخر ....
وأنا مخبيش عليكوا بقيت عامل زى الكتكوت المبلول من العرق والكسوف الراجل فضحنى فى وسط المترو المهم قولتله بالراحه كده فى ايه ياعم إنت ايه اللى مزعلك ؟؟؟
قالى المرأة لا تستحق الا رأى العقاد ... ياعم طيب وانا مالى اتفهموا انتوا مع بعض أنا ماليش دعوة.... راح قايلى المرأة الجميلة زى التورتة رغم جمالها إلا لو إنك سيبتها شوية ممكن يتلم
عليها النمل والدبان (( يعععععععععع الله يقرفك )) وبدأ يتحول ذلك الثائر الى حكيم وتخيلته أحد الحكماء الصينين فى وضع اليوجا وقاعد تحت الشجرة بيتأمل.....
وقالى يابنى العقـاد ده اسطورة ورأيه هو اللى يمــشى والعقـاد ماجبش من مرة ولا توفيق الحكيم كـل اعداء المرأة ع صواب!!!!
ممكن تشفع للمرأة لانها أم فقط (( ياعم الله يكرمك وطى صوتك هتقوم علينا الجنس اللطيف اللى مشاركنا علبة السلمون دى يعنى المترو يعنى )) يابنى للمرأة تاريخ فى الخيانة ....
من أول ستك نيفرتارى (( الله يرحمها ياحاج الف رحمة ونور تنزل عليها )) لحد مزز اليومين دول ((كمل ياحاج )) أنا باكلمك كده لانك زى ابنى وعايز ليك الصح ......
واقرأ للعقاد فى كل اراءه فى الموضوع ده وكمان توفيق الحكيم واياك تنسى كمان أنيس منصــور ((طب ياترى دول قبل الاكل ولا بعده ؟؟!!))
المهم الحمدلله محادثة الدقيقتين دول خلصوا وكأن عدى عليا أربع سنين والحمدلله اخيرا جت المحطة وأخيراً باطلع نفسى حتة حتة من كومة اللحم اللى انا فى وسطها عشان اوصل للباب
وأشوف النور تانى .... وبالى مشغول بكلام الحاج اللى كان فى حضنى من شوية وكلام العقــاد والحكيم ومعاطى ومنصور وعمال اقول طيب مين الصح ؟؟؟! ومين اللى غلط ؟؟؟
معقول بكلمة او تجربة قاسية أو فاشله تقدر تحكم ع نص سكان الكرة الارضيه من الاناث...... ؟؟! طيب ولو فعلا كده هل تصبح كلمة عدو المرأة تاج يزين كل كاتب او أديب؟؟؟
أم إن دول حكموا ع الاناث فى وقتهم وإن الزمن اتغير ....؟؟؟!!
أكيد ياأحمد يعنى الزمن اتغير يـارب يكون الموضوع عاجبكوا اقرأوا وقولولى رأيكوا ايه
Last edited by moon light on Thu Jun 04, 2009 1:53 pm; edited 1 time in total
Miss ZenGar ميت جديد
Number of posts : 27 Age : 30 المزاج : الفرج قريب :D Registration date : 2008-12-03
bgd story gamda gdn w Funny kaman bas akeed tb3an el 3alam 2t3'yar w el 2sloob 2t3'yar even tre2t el 7ayah 2t3'yrt w 3'eer kol da swab3 2dek msh zay b3daha ya3ni zay ma feh el we7sh fe el setat feh el 7elw w the same as el rgala feh regala kowyesa gdn w feh regala bardo msh kowyesa ya3ni mynf3sh el wa7ed mn tgroba fashla aw sha5s 3mal feh mwkef msh kowyes yo7kom 3la el 3alam kolo be kda w zay ma feh nefrtary feh bardo Fatma bent el rasol 3aleh el salah w el salam w 3'erha kteer mn el setat el 3azemat a7eb ashkorak gdn ya Samoor 3la el topic w bgd topic gamil awe
DeaD LaDy الكل فى الكل هنا
Number of posts : 83 Age : 30 المزاج : Rabna Kbeer Registration date : 2008-10-18
يـارب يكون الموضوع عاجبكوا اقرأوا وقولولى رأيكوا ايه 
